Маалыматка ылайык, 3-январда 67 жаштагы аял милицияга кайрылып, уулу спирттик ичимдик ичип алып, ага карата физикалык жана психологиялык зомбулук кылып жатканын билдирген.
Зардап чегүүчү соттук-медициналык экспертизага жөнөтүлүп, анын жыйынтыгы боюнча жеңил дене жаракаттары алынганы аныкталган, бул кыска мөөнөттүү психикалык бузулууга алып келген.
Окуя боюнча Кыргыз Республикасынын Кылмыш кодексинин 138-беренеси «Кыйноо» боюнча кылмыш иши козголду. Шектүү кармалып, убактылуу кармоо жайына жайгаштырылды, учурда зарыл тергөө иштери жүргүзүлүүдө.
Чүй облусунун Ички иштер башкармалыгынын сүрөтү
Чүй облусунун Ички иштер башкармалыгы үй-бүлөлүк зомбулукка укук коргоо органдары тарабынан тыкыр көзөмөл жүргүзүлүп, ар дайым тиешелүү юридикалык баа берилерин белгилейт. Физикалык жана психологиялык зомбулук үчүн кылмыш жоопкерчилиги каралган.
