Бул маалымат Ош шаардык ички иштер башкармалыгынан берилди.
Ведомствонун маалыматына ылайык, 1994-жылы туулган Т.У. аттуу жаранды эки айга камакка алуу чечими кабыл алынган.
Мурда маалымдалгандай, 24-январь күнү таңкы саат 05:00 чамасында Ош шаарындагы У.Салиева көчөсүндө жашаган 1999-жылы туулган Б.Г. күйөөсү тарабынан сабалган жана денесинде жаракат алган, андан кийин ооруканага жеткирилген.
Милиция кызматкерлери анын күйөөсүн, ошондой эле 1994-жылы туулган, кармап, тергөө органдарына өткөрүп беришти. Ал алкогольдук мас абалда болгон.
Кээ бир маалымат каражаттары «күйөөсү аялына бычак менен жаракат берди» деген жалган маалыматтарды тараткан. Бирок, расмий маалыматтарга ылайык, аялда бычактан жаракаттар болгон эмес.
Алдын ала тергөө көрсөткөндөй, аял күйөөсүнөн качууга аракет кылып, кулап кетип, жаракат алган. Учурда ал ооруканада дарыгерлердин көзөмөлүндө.
Медициналык кызматкерлердин маалыматына ылайык, аялдын абалы канааттандырарлык деп эсептелет.
