Иш-чаранын алкагында Кыргызстандагы хоккейди өнүктүрүүнүн стратегиялык багыттары талкууланды.
«Кыргызстандын жаштар курама командасынын тарыхый жетишкендигине, U20 хоккей боюнча дүйнө чемпионатында алтын медалдарды жеңип алганы үчүн өзгөчө көңүл бурулду. Мындан тышкары, 27-апрелде Кыргызстанда өтө турган U18 Азия Кубогуна даярдык маселелери каралды», — деп айтылат пресс-релизде.
Ошондой эле, Болгарияда өтө турган Эл аралык хоккей федерациясы (IIHF) тарабынан уюштурулган B тобунун экинчи дивизионынун мелдештерине улуттук команданын катышуусунун деталдары жарыяланды. «Учур» жана «Алга» сыяктуу кыргыз клубдарынын эл аралык турнири, анын ичинде Өзбекстандын ачык чемпионатына катышары да белгиленди.
