2-февралдан 18-февралга чейин Антальяда Кыргыз футбол союзунун футбол судьялары үчүн окуу-даярдык жыйыны өтүп жатат.
Бул иш-чарага 18 башкы судья, 24 жардамчы, 7 инструктор, ошондой эле массажист-доктор жана Азия футбол конфедерациясынан (АФК) чакырылган адис катышууда. Программа физикалык көнүгүүлөрдү, теориялык сабактарды, видео талдоону жана оюндардагы практикалык даярдыкты камтыйт.
Судьялардын даярдык деңгээлин текшерүү үчүн Оюн эрежелери боюнча тесттер, VAR системасы боюнча экзамендер жана физикалык даярдык боюнча контролдук тесттер өткөрүлөт.
Окуу-даярдык жыйынынын максаты — судьялардын кесиптик деңгээлин жогорулатуу, аларды эл аралык стандарттарга ылайык даярдоо жана келечектеги мелдештерге сапаттуу даярдык көрүү.
