Окутуу учурунда КФСтин тажрыйбалуу устаттары Артем Скопинцев жана Сергей Грищенко тарабынан катышуучуларга теориялык бөлүм сунушталды. Программа VAR протоколунун деталдуу түшүндүрмөсүн, системанын иштөө принциптерин жана башкы арбитрдин видеоассистенттер менен өз ара аракеттенүү алгоритмдерин камтыды. Оюндук кырдаалдарды талдоого жана видео кайталамаларды колдонуу менен туура чечимдерди кабыл алууга өзгөчө көңүл бөлүндү.
Семинарга Кыргызстандын ар кайсы региондорунан 16 жаш арбитр катышты, алар улуттук мелдештерде VAR системасын колдонууга даярданышууда.
Курстун негизги максаты судьялардын теориялык билимдерин тереңдетүү, VAR менен иштүүгө даярдоо жана эл аралык нормаларга ылайык судьялык стандарттар боюнча жалпы түшүнүктү түзүү болуп саналат. Мындай курстарды уюштуруу Кыргызстандын футбол судьялыгын өнүктүрүү жана модернизациялоо үчүн маанилүү кадам болуп саналат.
