Кыргыз футбольный союз (КФС) тарабынан уюштурулган PRO лицензиясын алуу курсу үчүнчү модулу 8-январда башталды. Бул иш-чара АФКнын тренердик билим берүү системасындагы жогорку деңгээлди билдирет.
Курсту КФСтин техникалык директору жана UEFA PRO лицензиясынын ээси Дайнис Казакевич өткөрүүдө. Ага КФСтин Улуттук футбол академиясынын техникалык директору Анарбек Ормомбеков жардам берип, катышуучулар менен өз тажрыйбасын бөлүшүүдө.
Окуу процессинде катышуучулар Азия Кубогу алкагында Джиддеде өтүп жаткан Кыргызстандын олимпиадалык командасынын оюндарын талдап, улуттук команданын машыгууларын байкап, теориялык билимдерин практикада колдонууга мүмкүнчүлүк алышат. 10-январда, КФСтин Башкы катчысы Медербек Сыдыковдун коштоосунда, курстун катышуучулары олимпиадалык команданын машыгуу процессин байкашты.
Маанилүү жагы, окууда 15 жогорку квалификациялуу адис Кыргызстандан катышууда. Үчүнчү модулдун аякташы 14-январга пландалган.
