Шаңгы жарыштарынын «спринт» дисциплинасында 10-февралда башталган мелдештерге 94 спортчу катышты.
Квалификациялык этапта Сапарбеков 91-номер менен старт алды. Ал биринчи 800 метрди 2 мүнөт 23,8 секундда өтүп, дистанцияны 4 мүнөт 36,85 секундда аяктап, 94-орунду ээледи.
94 спортчудан 30 мыктысы чейрек финалга өтүүгө мүмкүнчүлүк алышты. Квалификациянын лидери норвегиялык Йоханнес Клебо болуп, 3 мүнөт 7,37 секундду көрсөткөн, ал эми кыргызстандык андан 1 мүнөт 29,48 секунд артта калды.
Артур Сапарбековдун кийинки старты 13-февралга пландалган, ал жерде 10 чакырымдык эркин стилдеги жарышка катышат.
