Россиянын спорт министри Михаил Дегтярев спорттук жарандыгын өзгөрткөн россиялык спортчулар тууралуу өз оюн билдирди.
«Эгер спортчулар эл аралык мелдештерге катышуу үчүн россиялык жарандыктан баш тартса, алар бардык наамдарынан ажыратылышы керек жана өлкөгө кирүүгө тыюу салынуусу зарыл. Мындай аракеттер — бул таза саткынчылык», — деди министр.
Анын айтымында, «биз аларга каражат жумшайбыз, машыгуу базаларын камсыз кылабыз, ал эми алар паспортун таштап, кетишет. Аларга кирүүгө жана биздин спорттук объектилерди пайдаланууга тыюу салынуусу керек. Биз бул маселеге сөзсүз түрдө келебиз», — деп кошумчалады ал.
Кыргызстандын эркин күрөш боюнча командасында эки жолу Россия чемпиону болгон Малик Шаваев бар, ал 2025-жылдын декабрь айында Кыргызстан чемпиону наамын жеңип алып, эл аралык турнирдеги медалды да алган.
Мурда Кыргызстан командасында Арсалан Будажапов, Жаргалан Будажапов жана Алигаджи Гамидгаджиев сыяктуу спортчулар да чыгышкан.
