Азия кубогу боюнча оюн учурунда Кыргызстан жаштар командасы вьетнамдык футболчуларга утулду. Бул тууралуу Кыргыз футбол союзунын басма сөз кызматы билдирди.
Оюн 1:2 эсебинде Вьетнамдын пайдасына аяктады.
Кыргызстандыктар тарабынан жалгыз голду Марлен Мурзахматов 44-минутта киргизди.
Турнирдин биринчи турунда Кыргызстан командасы Сауд Аравиясынын командасына утулуп, А тобунда акыркы орунда калды.
Кийинки оюн Иорданияга каршы 12-январда өтөт.
Маалымат үчүн: мелдеш Сауд Аравиясында өтүп, төрт топко бөлүнгөн 16 команданы камтыйт. Ар бир топтон эки мыкты команда плей-оффко өтөт.
