21-февралда №2, №58 жана №61 балдар бакчаларында билим алып жаткан 62 бала «острая диарейная болезнь алиментарной этиологии» диагнозу менен ооруканага жаткырылды. Балдарда жогорку температура, ич оору, алсыздык, кусуу жана диарея сыяктуу симптомдор байкалган. Бул балдар мекемелерине тамак-ашты аутсорсинг компаниясы жеткирип турган.
Учурда иштин материалдары Фергана облусунун прокуратурасында, ошондой эле тиешелүү ички иштер органдарында жана башка ыйгарым укуктуу уюмдарда каралууда. Зарыл экспертизалар дайындалды жана тергөө иштери уланууда.
Кылмыш иши Өзбекстандын Кылмыш кодексинин 257−1-беренеси боюнча козголгон, ал санитардык нормалар жана эпидемияларга каршы күрөшүү боюнча эрежелерди бузууга байланыштуу. Бул берене боюнча жаза 50дөн 100 базалык эсептик көрсөткүчкө чейинки айып пулду, беш жылга чейин белгилүү укуктардан ажыратууну, эки жылга чейин түзөтүү иштерин, бир жылдан үч жылга чейин эркиндигин чектөөнү же беш жылга чейин эркинен ажыратууну камтышы мүмкүн.
