Агроөнөр жай секторун санариптештирүү алкагында, Кыргызстандын ветеринардык кызматы «Ветеринардык дары-дармектерди каттоо жана сертификаттоо» аттуу автоматташтырылган маалыматтык системаны (АИС) түзүү боюнча иш алып барууда.
Бул системанын негизги максаты ветеринардык препараттарды каттоо боюнча арыздарды кабыл алуудан баштап, электрондук күбөлүктү берүү менен аяктаган бардык этаптарды толук автоматташтырууда жатат. Мындай ыкма мамлекеттик кызматтардын ачык-айкындуулугун жакшыртууга, процесстерди тездетүүгө жана сапатын жогорулатууга багытталган.
Автоматташтырылган негизги процесстердин катарына төмөнкүлөр кирет:
— Электрондук арыздарды кабыл алуу;
— Документтерди алдын ала текшерүү;
— QR-код аркылуу кызматтарды төлөө;
— Лабораторияларга электрондук арыздарды жөнөтүү жана электрондук цифралык кол тамга (ЭЦП) колдонуу менен протоколдорду алуу;
— Борбордун директору тарабынан электрондук чечимдерди кабыл алуу;
— QR-коддор менен электрондук күбөлүктөрдү түзүү;
— Катталган дары-дармектердин реестрин жүргүзүү;
— Издөө жана аналитика үчүн модулду ишке киргизүү.
Система бардык кызматтарды электрондук форматка өткөрүүнү камсыздайт. Арыз берүүчүлөр ЭЦП колдонуп, онлайн режиминде документтерди тапшыра алышат, ошондой эле арыздарынын статусун реалдуу убакытта көзөмөлдөп турушат. Жооптор автоматтык түрдө түзүлүп, Борбор тарабынан жөнөтүлөт.
Бул системаны киргизүү арыз берүүчүлөр, лабораториялар жана Борбор арасында электрондук документ жүгүртүүнүн бирдиктүү механизмин түзөт, ошондой эле башка мамлекеттик маалыматтык системалар менен интеграцияланат. Келечекте АИСтин функционалдык мүмкүнчүлүктөрүн кеңейтүү пландалууда.
Бул система Кыргыз Республикасында ветеринардык коопсуздукту башкаруу үчүн заманбап жана эффективдүү санариптик чечимди билдирет.
