27-февралда Кыргыз Республикасынын Саламаттык сактоо министрлигинде Темирбек Эркинов жана Пакистандын Кыргызстандагы элчиси Алтамаш Вазир Хан катышкан жолугушуу өттү.
Талкуунун жүрүшүндө тараптар саламаттык сактоо жана медицина билим берүү тармагындагы кызматташтыктын негизги аспекттерин козгошту. Пакистандык студенттердин кыргыз медициналык окуу жайларында билим алуусунун сапатын жогорулатуу маселелерине өзгөчө көңүл бөлүндү.
Тараптар академиялык байланыштарды бекемдөө, билим берүү стандарттарын жакшыртуу жана студенттер үчүн практикалык даярдыкты кеңейтүү керектигин белгилешти.
Ошондой эле медициналык университеттер менен ооруканалардын ортосунда түз кызматташтыкты өнүктүрүү мүмкүнчүлүктөрү, окутуучулар менен дарыгерлер арасында тажрыйба алмашуу жана биргелешкен илимий иш-чараларды уюштуруу маселелери талкууланды.
Жолугушуунун жыйынтыгы боюнча медициналык билим берүү жана саламаттык сактоо тармагында эки тараптуу кызматташтыкты мындан ары бекемдөө боюнча өз ара кызыгуу билдирилди.
