Сүрөт МЗ КР
Бул иш-чаранын жүрүшүндө саламаттык сактоо жана медициналык билим берүү тармагындагы кызматташтыктын негизги аспекттери талкууланды.
Пакистандык студенттердин Кыргызстандагы окуу жайларында алган медициналык билим берүүнүн сапатын жогорулатууга өзгөчө көңүл бурулду.
Жолугушууга катышуучулар академиялык өз ара аракеттенүүнү өнүктүрүүнүн, билим берүү стандарттарын жакшыртуунун жана студенттердин практикалык даярдыгын жогорулатуунун маанилүүлүгүн белгилешти.
Мындан тышкары, эки өлкөнүн медициналык университеттери жана дарылоо мекемелери арасында кызматташтыкты кеңейтүү перспективалары, мугалимдер жана дарыгерлердин тажрыйбасын алмашуу, ошондой эле биргелешкен илимий иш-чараларды уюштуруу талкууланды.
Жолугушуунун жыйынтыгында тараптар медициналык билим берүү жана саламаттык сактоо тармагында эки тараптуу кызматташтыкты мындан ары чыңдоого кызыктар экендиктерин билдиришти.
