16-январга карата Бишкектеги «Даамдуу» фастфуд жайында ууланган адамдардын саны 23кө жетти. Алардын 5и балдар, деп билдирди Кыргыз Республикасынын Саламаттык сактоо министрлиги.
Эскерте кетсек, 15-январда аталган жайда массалык уулануу учурлары болгон. Оорулардын алдын алуу жана мамлекеттик санитардык-эпидемиологиялык көзөмөл департаментинен мурда 17 жабырлануучу бар экендиги, алардын арасында 4 бала болгондугу маалымдалган.
Учурда Кыргыз Республикасынын Саламаттык сактоо министрлиги 18 адамдын ооруканада экендигин билдирүүдө. Алардын абалы туруктуу, 5и амбулатордук көзөмөлгө которулган, анткени алардын абалы канааттандырарлык.
