Саламаттык сактоо жана мамлекеттик санитардык-эпидемиологиялык көзөмөл департаменти берген маалыматка ылайык, Бишкекте массалык уулануу болду.
Окуянын натыйжасында 17 адам жабыркады, алардын ичинде 4 бала бар. Алардын 13ү ооруканага жаткырылып, стационардык дарыланууда, калгандыктары амбулатордук жардам алышууда.
Уулануунун биринчи белгилери 15-январда байкалган. Жабыркагандар Республикалык клиникалык инфекциялык ооруканасына кайрылып, аларга зарыл медициналык жардам көрсөтүлдү жана лабораториялык изилдөөлөр жүргүзүлдү.
Окуя боюнча маалыматты окуңуз Бишкектеги массалык уулануунун себеби белгилүү болду
Алдын ала маалыматтар боюнча, жабыркагандардын баары шаурма жешкен.
Мамлекеттик санитардык-эпидемиологиялык көзөмөл борборунун адистери пландан тышкаркы текшерүү жүргүзүштү. Ингредиенттердин үлгүлөрү, ашкана жабдыктарынан алынган смывы жана даяр продукциянын калдыктары лабораториялык изилдөөлөр үчүн алынды. Ошондой эле кафе кызматкерлеринин ичеги инфекцияларын жараткан микроорганизмдерге текшерүү жүргүзүлдү.
Текшерүүнүн натыйжасында үч протокол түзүлүп, укук бузуулар боюнча 80, 214-берененин 1-бөлүгү жана 214-берененин 5-бөлүгү боюнча жалпы 41 миң сомго үч айыппул салуу жөнүндө үч токтом чыгарылды.
Кафе 15-январдан тарта жабылып, санитардык кызматтардын буйругу боюнча пломбаланды.
Эпидемиологиялык иликтөө уланууда, лабораториялык изилдөөлөрдүн натыйжалары келген сайын кошумча маалымат берилет.
Эскерте кетсек, өткөн жылы, 2025-жылдын жайында, Байтик Баатыр жана Суеркулов көчөлөрүнүн кесилишинде жайгашкан "Даамдуу" фастфудунда 20дан ашык адам шаурма жеп ууланган. Анда уулануунун булагы эт фаршы болгон.
