Жакында Кыргызстандын Соода-өнөр жай палатасынын президенти Темир Сариевдин тигүү өнөр жайынын өкүлдөрү менен болгон жолугушуусунда бул тармактын мындан аркы өнүгүшүнө байланыштуу маанилүү аспектилер талкууланды. Талкуунун натыйжасында, Соода-өнөр жай палатасынын колдоосу менен иш алып баруучу эксперттик топ түзүү чечими кабыл алынды, ал топ бизнесмендерди жана профилдик ассоциациялардын адистерин камтыйт.
Жаңы топтун негизги милдети тигүү секторунун ишин уюштурууга багытталган практикалык жана нормативдик сунуштарды иштеп чыгуу болуп саналат.
Топтун приоритеттүү иш багыттарына төмөнкүлөр кирет: тигүү өнөр жайындагы ишенимдүү ишкерлердин реестрин түзүү; кичи тигүү өндүрүштөрүн көлөкө экономикасынан этап-этабы менен чыгаруу стратегиясын иштеп чыгуу; аталган тармактагы ишканалар үчүн кредиттерди бөлүштүрүүнүн адилеттүү схемасын түзүү; тигүү ишканаларынын кызматкерлерин квалификациясын жогорулатуу курстарын уюштуруу, ошондой эле тармактын өсүшү жана модернизациясы үчүн ыңгайлуу шарттарды түзүү боюнча сунуштарды даярдоо.
Темир Сариев Соода-өнөр жай палатасы бизнес менен мамлекеттик структуралардын ортосундагы диалог үчүн аянтча болууга даяр экенин, ошондой эле ачык, атаандаштыкка жөндөмдүү жана экспортко багытталган тигүү өнөр жайын түзүүнү активдүү колдой турганын белгиледи.
