Бул кирешелер бюджеттин жалпы эмес салык кирешелеринин жарымынан көбүн (55,5%) түзүшү керек.
Каржы министрлигинин классификациясына ылайык, республикалык бюджеттин «Дивиденддер жана пайда» киреше категориясына төмөнкүлөр кирет:
- мамлекеттик жана муниципалдык акциялардан алынган дивиденддер;
- Кыргыз Республикасынын Улуттук банкынын пайдасы;
- мамлекеттик жана муниципалдык ишканалардан алынган пайда.
Каржы министрлигинин маалыматы боюнча, 2025-жылы дивиденддер жана пайдадан түшүүлөр 15,3 миллиард сом болот деп күтүлгөн. 2025-жылга бекитилген бюджеттин тиркемесинде дивиденддердин суммасы гана көрсөтүлгөн, НБКРдин пайдасы эске алынган эмес.
Фактически, 2025-жылы республикалык бюджетке дивиденддер жана пайда түрүндө 76,4 миллиард сом келип түшкөн, анын ичинде:
• акциялардан алынган дивиденддер - 29,9 миллиард сом;
• НБКРдин пайдасы - 45,7 миллиард сом;
• Мамлекеттик баалуу металлдар жана таштар фондусунун активдерин сатуу аркылуу алынган пайда - 0,9 миллиард сом;
• Мамлекеттик жана муниципалдык ишканалардын пайдасын бюджетке которуу - 0,003 миллиард сом (бул ишканалардын көбү пайдасын бюджетке которуу милдетинен убактылуу бошотулган).
