16-февралда Жогорку Кеңештин профилдик комитетинин жыйынында каржы министринин орун басары Нурбек Акжолов депутат Дастан Бекешевдин суроосуна жооп берип, мамлекеттик карыз боюнча жаңы маалыматтарды берди. Учурда Кыргызстандагы мамлекеттик карыздын жалпы көлөмү 8 миллиард 850 миллион долларды түзөт.
Бул суммадан 5,2 миллиард доллар сырттан алынган карыздарга, ал эми республикадагы ички карыз жергиликтүү кредиторлорго жана мамлекеттик баалуу кагаздардын ээлерине 3,5 миллиард долларды түзөт. Бул маалыматтар быйылкы жылдын бюджетинин каржылык туруктуулугун талкуулоодо маанилүү тема болуп калды.
