Шереф 2021-жылы У. А. менен Ош шаарында турак жай комплексин ишке ашыруу үчүн бир нече этапта $500 миңге жакын акча өткөрүп берүү боюнча келишимге кол койгонун билдирди. Бирок долбоор жер тилкеси боюнча пайда болгон юридикалык маселелердин себебинен токтотулду.
Инвестордун адвокаты Адилет Мерканов У. А. инвестицияларга компенсация катары бала бакчаны өткөрүп берүүгө макул болгонун белгиледи. Бирок кийинчерээк бул имарат мурдагы депутатка таандык эместиги аныкталды. Натыйжада тараптар У. А. 2024-жылга чейин Ошто беш батир жана Бишкекте бир батир берүү боюнча компенсация жөнүндө келишимге келишти. Азыркы учурда бул милдеттенмелер аткарылбай жатат.
«Биз Свердлов райондук Ички иштер башкармалыгына арыз бердик, азыр иш өндүрүштө», - деп тактады Мерканов.
Шереф Думан жагдай алдыга жылбай жатканын айтып, президент Садыр Жапаровго кайрадан кийлигишүүнү өтүндү.
«Мен Садыр Нургожоевичти менин жагдайыма көңүл бурууга чакырам. Түркиядагы өнөктөштөрүм Кыргызстанга дагы $1,5 млн инвестициялоого даяр, бирок биз учурдагы маселени чечүүнү күтүп жатабыз», - деп жыйынтыктады инвестор.
