Мэрдин биринчи орун басары Мирланбек Байгончоков акыркы беш жылда шаардык бюджет үч эсе өскөнүн белгиледи.
Руслан Садырбаевдин айтымында, 2026-жылга карата бюджет долбоорунда киреше бөлүгү 32,9 миллиард сомду түзөт деп күтүлүүдө. Бул каражат жол инфраструктурасын өнүктүрүүгө жана курууга, инженердик тармактарды модернизациялоого, капиталдык оңдоп-түзөөгө жана жаңы социалдык объектилерди курууга, ошондой эле аймактарды көрктөндүрүүгө жана жашылдандырууга, башка маанилүү социалдык инициативаларды ишке ашырууга багытталат.
Угуу учурунда шаар тургундары газдаштыруу, жолдордун абалы, канализация, социалдык объектилер жана транспорттук инфраструктура боюнча суроолорду көтөрүштү. Мэриянын өкүлдөрү жана БГКнын депутаттары коюлган суроолорго жооп беришти, ал эми жарандардын сунуштары тиешелүү кызматтар үчүн тапшырмалар менен эске алынды.
