Министрликтин маалыматына ылайык, Акунбеков мурдагы министр Бакыт Торобаев тарабынан белгиленген беш негизги багыт боюнча ишин улантат:
Ирригацияны жакшыртуу жана калкты таза суу менен камсыздоо;
Токумдук, көчөт, асыл тукум мал чарбачылыгы жана ветеринардык жардамды өнүктүрүү;
Айыл чарбасында кооперацияны, кайра иштетүүнү, логистиканы жана механизацияны бекемдөө;
Агроөнөр жай продукциясынын экспортун жана импортун көбөйтүү;
Илимди, билим берүүнү, тажрыйба алмашууну жана адистерди окутууну колдоо.
Жолугушуунун жүрүшүндө биринчи орун басар министр Жаныбек Керималиев министрликтин учурдагы иштеринин маалыматын берди, ал эми министрдин орун басары Мирбек Дуйшеев катышуучуларды агрардык сектордогу кредит берүү программалары менен тааныштырды.
Министрликтен билдиришкендей, учурда мамлекеттик финансылык колдоо алкагында агроөнөр жай комплексинде жалпы суммасы 13 миллиард 180 миллион сомдук 9 долбоор ишке ашырылууда.
