Талкууга шаардык кеңештин төрагасы Болот Баетов, мэрдин биринчи орун басары Оморбек Торобаев, депутаттар, ар кандай мекемелердин жана ишканалардын жетекчилери, жергиликтүү аймактык башкармалыктардын башчылары, ошондой эле коомдук активисттер жана шаар тургундары катышты.
Бюджеттин негизги чыгымдары мамлекеттик кызматтарды көрсөтүүгө, коргонууга, экономикалык маселелерди чечүүгө, турак-жай коммуналдык кызматтарына, спорт жана маданиятты өнүктүрүүгө, ошондой эле билим берүү жана социалдык коргоого багытталат.
Талкуу учурунда катышуучулар мүмкүнчүлүгү чектелген жарандардын жашоосун жакшыртууга, социалдык коргоону каржылоону көбөйтүүгө жана «Алай-1» жана «Алай-2» турак жай аймактарындагы инфраструктураны өнүктүрүүгө багытталган бир катар демилгелерди сунушташты.
Ошондой эле, айылдык башкармалыктардагы долбоорлорду финансылоону жеңилдетүү, коомдук транспорттун маршруттарын оптималдаштыруу, ишенимдүү электр энергиясын камсыз кылуу, жолдорду оңдоо жана түштүк борборунда экологиялык абалды жана санитардык шарттарды жакшыртуу боюнча маселелер көтөрүлдү.
