Abu Dhabi Global Market (ADGM) жана Dubai International Financial Centre (DIFC) жетекчилиги менен сүйлөшүүлөрдүн жүрүшүндө көз карандысыз жөнгө салуу системасын түзүүнүн негизги аспекттери, атайын финансылык соттордун иштөө принциптери жана эл аралык инвестицияларды тартуу ыкмалары талкууланды.
Визиттин алкагында Бакыт Сыдыков БААнын тышкы соода министри доктор Тани бин Ахмед Аль Зейуд менен жолугушту. Сүйлөшүүлөрдүн жүрүшүндө тараптар эки өлкө ортосундагы соода-экономикалык кызматташтыкты жана инвестициялык активдүүлүктү кеңейтүү мүмкүнчүлүктөрүн карашты.
Бул жумушчу визит атайын финансылык инвестициялык аймак «Тамчы» үчүн институттук өнүгүүдө колдонулуучу эл аралык тажрыйбаны изилдөөнүн маанилүү кадамы болду.
- 2025-жылы Ысык-Көлдө түзүлгөн атайын финансылык инвестициялык аймак (АФИТ) «Тамчы» атайын укуктук, салыктык жана валюталык режимди камтыйт. Бул зона чет өлкөлүк инвестицияларды санарип активдер, финансылык кызматтар жана туризм тармактарына тартууга багытталган, ошол эле учурда резиденттер 49 жылга чейин көпчүлүк салыктардан бошотулат.
