Бул келишимдин негизги максаты эки жолу салык салуу маселесин жоюу болуп, бул өз кезегинде Кыргызстан менен Гонконгдун ортосундагы экономикалык кызматташтык үчүн жагымдуу шарттарды түзөт.
Мындай эки жолу салык салууну болтурбоо келишимдери Кыргызстан экономикасына чет элдик инвестицияларды тартуу үчүн натыйжалуу инструменттер катары каралаарын министрликтен белгилешти.
Документ ошондой эле бир өлкөнүн резиденттерин башка өлкөдө дискриминациялык салык салуудан коргоого, салык төлөөдөн качууну алдын алууга жана келишимдин шарттарын бузууга каршы багытталган. Мындан тышкары, ал эки мамлекеттин компетенттүү органдары арасында маалымат алмашуунун өнүгүшүнө көмөктөшөт.
