Анын айтымында, тургундар бул каражаттарды жогорку кызматтагы чиновниктер гана ала аларын айтып, жөнөкөй элдин аларга жеткиликтүү эместигине нааразы болушууда.
Сагынаев жөнөкөй адамдарга бул каражаттарга жетүүгө жардам берүүнү өтүндү, кредиттердин жоктугу айылдык аймактардын, чакан бизнес жана фермерликтин өнүгүшүн токтотуп жатканын белгиледи.
Маалымат:
Кыргыз Республикасының салык эмес кирешелери боюнча Кодексине ылайык, жергиликтүү маанидеги инфраструктураны өнүктүрүү жана кармоо үчүн каражаттар пайдалы кендердин жайгашкан жериндеги облустар, райондор жана тиешелүү жергиликтүү бюджеттерге 2% өлчөмүндө, кыйыр салыкты эске албаганда, кирешеден бөлүнөт.
Финансылык каражаттар фонддор бюджеттик эсептер аркылуу республикалык бюджеттен бөлүнгөн каражаттардын эсебинен да куралат.
Аймактарды өнүктүрүү фонддору жөнүндө үлгү жобого ылайык, фонддор жергиликтүү маанидеги инфраструктураны өнүктүрүү жана кармоо, ошондой эле аймактардын социалдык-экономикалык өнүгүү программаларын ишке ашыруу максатында атайын иш-чараларды каржылоого түзүлгөн.
