Докладчы катары экономика жана соода министринин орун басары Султан Ахматов чыгып, протоколго 33 өзгөртүү киргизилгенин белгиледи. Бул өзгөртүүлөр укук колдонуу практикасы учурунда аныкталган кемчиликтерди жоюуга, ошондой эле Биримдиктеги аныктамаларды тактоого багытталган. Мындан тышкары, өзгөртүүлөр Евразия экономикалык комиссиясына ЕАЭБдин ички рыногунда тоскоолдуктарды баалоо методологиясын бекитүү жана тоскоолдуктарды жоюлган деп таануу боюнча ыйгарым укуктарды берет.
Киргизилген өзгөртүүлөрдүн негизги максаты — ЕАЭБдин ишинин натыйжалуулугун жогорулатуу, ички рыноктогу тоскоолдуктарды жоюу жана Биримдиктин нормаларына ылайыктыгын көзөмөлдөө механизмдерин жакшыртуу. Алар ЕАЭБ келишимин колдонуу боюнча беш жылдык тажрыйбага негизделген жана процедураларды жөнөкөйлөтүүгө, ачыктыкты жогорулатууга жана катышуучу өлкөлөрдүн кызыкчылыктарын коргоого багытталган.
Комитет мыйзам долбоорун биринчи окууда жактырды.
