Жунушбаева белгилегендей, бул жолдун курулушу беш жылдан бери уланууда жана жергиликтүү тургундарды бүткөрүү мөөнөтү жана аткарылган иштердин көлөмү тууралуу маалымдоо зарыл. Бул трасса Тон жана Жети-Огуз райондорунун ортосундагы транспорттук байланыш үчүн маанилүү.
Депутат ошондой эле курулушту туристтик сезон башталгандан мурда бүтүрүү каалангандарын айтты. Ал акыркы жылдары Ысык-Көлдүн түштүк жээгинде туристтердин санынын кыскарышы байкалууда экенин, жана булка байланыштуу факторлордун бири автожолдун начар абалы экенин белгиледи.
Парламентарийлердин суроолоруна жооп берип жатып, транспорт министринин орун басары Бекназар Базаралиев Балыкчы—Барскоон участкасындагы иштер 2021-жылы башталганын билдирди. Анын айтымында, долбоор жергиликтүү компанияларга тапшырылган, учурда иштердин аткарылышы 50% чамасында.
Базаралиев курулуштун аякташы 2026-жылдын 30-августуна пландалганын жана учурда жолдун бардык участкаларында иштер жүрүп жатканын кошумчалады.
