Министрликтин маалыматына ылайык, техниканы тапшыруу Япониянын эл аралык кызматташтык агенттигинин (JICA) колдоосу менен мүмкүн болду. Бул долбоордун алкагында Баткен облусуна 43 даана жол куруу жана жол эксплуатациялоо техникасы келди. Ошондой эле Баткен районунда саатына 35 тонна өндүрүш кубаттуулугуна ээ асфальт-бетон заводун орнотуу иштери жүргүзүлдү.
Техниканы тапшыруу аземине жогорку кызматтагы адамдар катышты, алардын арасында Кыргыз Республикасындагы Япониянын атайын жана ыйгарым укуктуу элчиси Хирано Рюити, JICAнын КРдеги туруктуу өкүлү Нишигато Котаро, Транспорт жана байланыш министринин биринчи орун басары Бекназар Базаралиев, Баткен облусундагы президенттин ыйгарым укуктуу өкүлү Айбек Шаменов, ошондой эле жергиликтүү бийлик өкүлдөрү болду.
