Жолугушууда чек арадагы кызматташтыктын маанилүү аспекттери, анын ичинде чек ара өкүлдөрүнүн ортосундагы байланыш механизмдерин жакшыртуу жана чек арадагы инциденттерди алдын алуу боюнча аракеттерди координациялоо талкууланды.
Ошондой эле тараптардын чек ара зонасында инженердик жана чарбалык иштерди жүргүзүү боюнча өз ара аракеттенүүсүнө, ошондой эле мүмкүн болгон конфликттик кырдаалдарга ыкчам жооп берүү алгоритмдерине өзгөчө көңүл бөлүндү.
Мындан тышкары, «Достук» стеласынын айланасын көрктөндүрүү маселелери, анын ичинде кирүү жолдорун түзүү жана жашылдандыруу боюнча биргелешкен демилгелер талкууланды, алар ар бир өлкөнүн күчү менен ишке ашырылат.
Жолугушуу конструктивдүү атмосферада өтүп, бардык катышуучулардын мамлекеттик чек ара режимин бекемдөөгө жана жакшы коңшулук мамилелерин өнүктүрүүгө, ошондой эле чек ара аймактарында туруктуулукту сактоого даярдыгын баса белгиледи.
