Мыйзам долбоорунун автору өкмөт башчы болуп саналат.
Жогорку Кенештин эл аралык иштер, коргонуу, коопсуздук жана миграция боюнча комитетинин төрагасынын орун басары Ырысбек Атажанов мыйзам долбоору боюнча маалыматты сунуштады.
Бул мыйзам долбоорунун максаты — 2022-жылдын 17-июнунда Женевада өткөн Дүйнөлүк соода уюмунун 12-минстрлер конференциясында кабыл алынган балык уулоодо субсидиялар боюнча келишимдин күчүнө кириши үчүн зарыл ички мамлекеттик процедураларды аткаруу.
Бул келишимдин ратификациясы Кыргызстандын ДСУнун алкагындагы эл аралык милдеттенмелерге болгон берилгендигин баса белгилейт, өлкөнүн глобалдык соода системасында жооптуу катышуучу катары позицияларын бекемдейт жана дүйнөлүк соодада адилеттүү жана ачык шарттарды түзүүгө көмөктөшөт.
