Жолугушуу учурунда министрлер кыргыз-швейцар кызматташтыгынын маанилүү багыттарын, анын ичинде саясий диалог жана экономикалык өнөктөштүк маселелерин талкуулашты. Ошондой эле 2026–2029-жылдарга карата кызматташтык программасын аткаруу жана эл аралык уюмдардагы кызматташтык маселеси каралды.
Кулубаев швейцариялык тарапты 2026-жылы ОБСЕде төрагалык кылуу менен куттуктап, бул уюмдун алкагында натыйжалуу кызматташууга даяр экенин билдирди. Министрлер эки тараптуу мамилелердеги оң өзгөрүүлөрдү белгилеп, жогорку деңгээлдеги байланыштарды активдештирүүнүн зарылдыгын баса белгилешти.
Сауда-экономикалык байланыштарды өнүктүрүү, чет элдик инвестицияларды тартуу, ошондой эле туризм тармагында кызматташуу жана биргелешкен демилгелерди ишке ашыруу маселелерине өзгөчө көңүл бөлүндү. Жолугушуунун аягында туруктуу тоо өнүктүрүү жана актуалдуу эл аралык күн тартиби боюнча пикир алмашуу болду. Переговорлордун жыйынтыгы боюнча тараптар Кыргызстан менен Швейцариянын ортосундагы өнөктөштүктү бекемдөөгө жана конструктивдүү диалогду улантууга өз ара кызыкдар экенин билдиришти, деп билдирет Тышкы иштер министрлиги.
