Бул мыйзам долбоору боюнча маалыматты Экономика жана соода министрлигинин алдындагы Финансылык рынокту жөнгө салуу жана көзөмөлдөө мамлекеттик кызматынын жетекчиси Марат Пирназаров сунуштады.
Пирназаровдун белгилегенине караганда, мыйзам долбоорунун негизги максаты — турак жайды өрттөн жана табигый кырсыктардан милдеттүү камсыздандыруу системасын жакшыртуу.
Мыйзам долбоору камсыздандыруу системасынын финансылык туруктуулугун жогорулатууга, жарандардын укуктарын коргоого, ошондой эле убагында жана кепилденген камсыздандыруу төлөмдөрүн камсыз кылууга багытталган.
