Министр белгилегендей, өткөн 2024-жылга салыштырганда керектөө 1 млрд кВт.ч га өскөн. Натыйжада 3,9 млрд кВт.ч дефицит пайда болуп, бул көршү өлкөлөрдөн электр энергиясын импорттоо аркылуу жабылат. Акунбеков бул дефициттин убактылуу жана контролдонуучу мүнөздө экенин баса белгиледи.
Ал ошондой эле 2024-жылы генерациянын орнотулган кубаттуулугу 117,8 МВт га көбөйтүлгөнүн маалымдады. 2025-жылы кубаттуулуктун өсүшү Токтогул жана Уч-Курган ГЭСтериндеги гидроагрегаттарды алмаштыруу аркылуу камсыздалган.
Мындан тышкары, 2025-жылы энергетикалык компаниялар тарабынан 215 бирдик техника сатып алуу маанилүү жетишкендик болуп, бул 754 млн сомдук жалпы суммада ишканалардын өз каражаттарынын эсебинен ишке ашырылган.
