Ал чет өлкөдөн келген товарлар өлкөгө чоң тоскоолдуктарсыз кирип жатканын, ал эми жергиликтүү продукциянын чыгарылышында олуттуу кыйынчылыктарга туш болуп жатканын белгиледи.
Депутат Казакстан менен чектешкен жерде жүк унааларынын узун кезектери бар экенин атай кетти.
«Биз качан ЕАЭБ чегинде биздин товарларды тоскоолдуксуз ташый алабыз?» — деп сурады ал.
Экономика жана соода министринин орун басары Султан Ахматов кечигүүлөр Россия жана Казакстандагы ички көйгөйлөр менен байланышканын, бул транзитти кыйындатарын түшүндүрдү.
«Эгер алар ЕАЭБдин эрежелерин бузуп, тоскоолдуктарды жарата берсе, биз өз кызыкчылыктарымызды коргоого даярбыз. Биз керектүү документтерди даярдап, Евразия экономикалык комиссиясына жөнөтөбүз», — деди Ахматов.
Күн тартибинде 2010-жылдын 5-июлундагы бажы мыйзамдарын бузгандыгы үчүн кылмыш жана административдик жоопкерчилик жөнүндө келишимге өзгөртүүлөрдү киргизүү боюнча протоколдун долбоору да каралды (документ макулдашууга сунушталууда).
