Асель Азаматова өзүнүн постунда Эльдар Сулаймановдун зомбулугуна бир нече жолу кабылганын билдирген. Ал 2022-жылдын жайында, бир жолу сабалгандан кийин медициналык жардамга кайрылууга туура келгенин, милиция анын арызын кабыл алганын айтып өттү. Бирок, Азаматованын белгилөөсү боюнча, укук коргоо органдарынын эч бир кызматкери анын абалын текшерүү үчүн байланышка чыккан эмес.
Асель оор шарттарга карабастан, күйөөсүн кечиргенин, анткени анын толук көз каранды экенин мойнуна алды. Бирок, анын айтымында, туруктуу ичимдик ичүү, чыккынчылык жана зомбулук уланууда, бул анын ажырашуу жөнүндө чечим кабыл алуусуна себеп болгон.
Кыргызстандын Ички иштер министрлигинин басма сөз катчысы Султан Макилов бул иш боюнча текшерүүлөр башталганын билдирди. «Экс-жубайы: «Түштөн кийин келем» деди. Ал келгенде бардык жагдайларды тактайбыз. Биз анын мурда берген арыздарын карап чыгабыз», — деди ал.
40 жаштагы Эльдар Сулайманов 2025-жылдын ноябрь айында № 5 шайлоо округу боюнча Жогорку Кеңештин депутаты болуп шайланган.
