Министрликтин басма сөз кызматы жыйында коррупцияга каршы күрөшүү жана жаныбарлар дүйнөсүн коргоодо эпизоотикалык коопсуздукту камсыз кылуу маселелери талкууланганын маалымдады.
Жыйында бардык аныкталган мыйзам бузуулар документтештирилиши керектиги, ошондой эле жетекчиликке кысым көрсөтүү же пара берүү аракеттери тууралуу маалымат берүү зарылдыгы баса белгиленди.
Жабайы жаныбарлар арасында инфекциялык жана паразиттик оорулардын жайылышын алдын алуу чараларына өзгөчө көңүл бурулду. Кийинки лабораториялык изилдөөлөр жана биотехникалык сунуштарды иштеп чыгуу үчүн кекликтер жана фазандарды өзүнчө атууну уюштуруу пландалууда.
Аңчылык коомдорунун өкүлдөрүнө биологиялык материалды тандоого жардам берүү, биотехникалык иш-чаралардын алкагында эпизоотикалык чараларды эске алуу жана министрликтин көрсөтмөлөрүнө ылайык ветеринардык кызматтар менен өз ара аракеттешүүнү уюштуруу тапшырылды.
