Кыргызстандагы 220 мектепте заманбап окуу жана лабораториялык комплекстери, ошондой эле маалыматтык-коммуникациялык технологиялар (ИКТ) каражаттары киргизилди, бул STEM дисциплиналарында практикалык багыттагы билим берүүнү ишке ашырууга мүмкүндүк берет.
Билим берүү министрлигинин маалыматына ылайык, бул демилге «Алтын казык» мамлекеттик программасынын бир бөлүгү болуп, өлкөнүн билим берүү системасын комплексдүү модернизациялоого жана заманбап технологияларды окуу процессине интеграциялоого багытталган.
Мектептерге берилген окуу-лабораториялык жабдуулар ар бир мектепке 25 комплекттен турат, бул ар кандай предметтер боюнча изилдөөлөрдү жүргүзүүгө мүмкүнчүлүк берет. Натыйжада 5 500 комплект жабдуулар, ошондой эле 220 интерактивдүү панелдер жана ошондой эле ноутбуктар берилди.
Комплекттер механика, электр, оптика, химия жана биология боюнча лабораториялык иштерди аткаруу үчүн арналган. Жабдуулар так өлчөмдөрдү жүргүзүүгө жана эксперименттик маалыматтарды талдоого мүмкүндүк берип, окуучуларда илимий изилдөө көндүмдөрүн калыптандырат.
Интерактивдүү панелдер жана ноутбуктар лабораториялык иштерди башкарууга жана эксперименттердин натыйжаларын реалдуу убакытта визуалдаштырууга, ошондой эле окуучулардын долбоордук ишмердүүлүгүнүн маалыматтарын иштеп чыгууга жардам берет.
Бул жаңы ресурстар мектеп окуучуларынын билимдерин, практикалык көндүмдөрүн жана цифрдык сабаттуулугун өнүктүрүүгө көмөктөшөт, бул өз кезегинде табигый илимдерди үйрөнүүнүн сапатын жогорулатат.
Устаттар үчүн жаңы жабдууларды жана технологияларды эффективдүү пайдалануу боюнча атайын тренингдер өткөрүлдү.
Министрлик 220 мектеп 53 кластердик инновациялык билим берүү мекемелеринин бөлүгү болуп, жаңы билим берүү стандарттарын жана технологияларды киргизүү үчүн эксперименттик аянтчалар катары кызмат кыларын белгиледи. ```
