Кыргыз Республикасынын Илими, жогорку билим берүү жана инновациялар министрлигинде «Жогорку билим берүүдөгү сапат жана инновациялар» (КИВО) аттуу жаңы долбоордун презентациясы өттү.
Бул долбоор Эл аралык өнүктүрүү ассоциациясы менен каржылоо боюнча келишимдин алкагында ишке ашырылууда, ал Дүйнөлүк банктын бир бөлүгү болуп саналат.
Иш-чарага министр жана министрликтин ар кандай структуралык бөлүмдөрүнүн жана башкармалыктарынын жетекчилери катышты.
Презентация учурунда белгиленгендей, КИВО долбоору Кыргызстандагы жогорку билим берүүнүн атаандаштыкка жөндөмдүүлүгүн жакшыртуу, илимий изилдөөлөрдү өнүктүрүү жана инновациялык чечимдерди киргизүү максатын көздөгөн системалуу реформа болуп саналат.
Бул долбоордун негизги милдети улуттук приоритеттерге жана эл аралык стандарттарга жооп берген сапаттын туруктуу экосистемасын түзүү болуп саналат.
Иш-чарада учурдагы этаптагы негизги жетишкендиктер, 2026-жылга чейин иштин стратегиялык багыттары жана 2029-жылга чейин узак мөөнөттүү өнүгүү перспективалары да сунушталды.
Долбоордун негизги максаттарынын арасында:
- Окуу жайларында илимий изилдөөлөрдүн сапатын жакшыртуу.
- Билим берүү программаларын эмгек рыногунун талаптарына ылайыкташтыруу.
- Жогорку билим берүүнүн сапатын камсыздоо системасын жакшыртуу.
