26-февралда Министрдин орун басары Дурус Козуевдин жетекчилиги алдында жумушчу топтун төртүнчү жыйыны өттү. Иш-чарага топтун мүчөлөрү, Улуттук кеңештин Секретариатынын өкүлдөрү, виртуалдык активдер рыногунун катышуучуларынын Ассоциациясынын өкүлдөрү жана жогорку окуу жайларынын өкүлдөрү катышты.
Жыйында мурдагы үч жыйынды негизге алып даярдалган Жол картасы, ошондой эле блокчейн технологиялары, криптография, киберкоопсуздук жана жасалма интеллект тармактарында ачыла турган жаңы адистиктердин тизмеси талкууланды. Окутуучулардын квалификациясын жогорулатуу маселелерине өзгөчө көңүл бурулду.
Кээ бир жогорку окуу жайлары бул маселе боюнча өз сунуштарын сунушташты.
Идеялар үч негизги багытка бөлүндү:
- адистештирилген кадрларды даярдоо;
- окутуучулардын квалификациясын жогорулатуу;
- жогорку окуу жайларынын окуу программаларына жаңы багыттарды интеграциялоо.
Жыйындынын натыйжасында биринчи кезектеги аракеттердин планы такталды жана жумушчу топ үчүн конкреттүү милдеттер аныкталды.
Сунушталган иш-чараларды ишке ашыруу өлкөнүн кадрдык потенциалын күчөтүүгө, электрондук трансформацияны тездетүүгө жана заманбап технологиялар тармагында атаандаштыкка жөндөмдүү адистерди даярдоого багытталган.
