Бишкекте Кыргыз Республикасынын хоккейинин жетишкендиктери жана келечеги боюнча пресс-конференция өттү.
Иш-чарада Кыргыз Республикасынын Министрлер Кабинетинин алдындагы Мамлекеттик дене тарбия жана спорт агенттигинин директору Казыбек Молдажиев, Кыргызстандын Хоккей федерациясынын президенти Анвар Оморканов, ошондой эле федерациянын биринчи вице-президенти Эльзар Болотбеков катышты. Жыйындын алкагында өлкөдө өткөн хоккей боюнча дүйнө чемпионатында үчүнчү дивизион B тобунда чемпиондук наамды жеңип алган U20 улуттук командасынын жетишкендиктери да талкууланды.
Пресс-конференция учурунда Кыргызстандын хоккейин өнүктүрүүнүн негизги багыттарына басым жасалды. Катышуучулар жаштар командасынын тарыхый жеңишин, ошондой эле 27-апрелде Кыргызстанда өтө турган U18 Азия Кубогуна даярдыкты талкуулашты.
Мындан тышкары, IIHF уюмунун алдындагы B тобунун экинчи дивизионунда улуттук командасынын катышуу пландары, ошондой эле хоккей клубдары "Учур" жана "Алга"нын Өзбекстан Республикасындагы ачык чемпионатта катышуусу тууралуу маалымат берилди.
Пресс-конференциянын аягында федерациянын жана мамлекеттик агенттиктин өкүлдөрү журналисттердин суроолоруна жооп беришти, ошондой эле хоккей инфраструктурасын өнүктүрүү, жаштар менен иштөө жана эл аралык кызматташтыкты кеңейтүү боюнча пландарын бөлүшүштү.
