Ата-энелер балдарын биологиялык жынысына ылайык тарбиялоого милдеттүү болушат
Жогорку Кеңеште жыныс алмаштырууга тыю салуучу мыйзам долбоору сунушталды. Бул мыйзам долбоору коомдук талкууга чыгарылды.
Киргизилген өзгөртүүлөр Үй-бүлө кодексине, ошондой эле «жарандык абал актылары жөнүндө» жана «Жарандардын ден соолугун коргоо жөнүндө» мыйзамдарга тиешелүү. Бул өзгөртүүлөрдүн негизги максаты — расмий документтерде биологиялык жыныстын өзгөрбөсүн бекитүү жана жыныс алмаштырууга байланыштуу процедураларды чектөө.
Мыйзам долбоорунун авторлорунун пикири боюнча, адамдын жынысы туулган учурда катталган биологиялык мүнөздөмөлөргө гана негизделет. Жыныс тууралуу жазууларга өзгөртүүлөрдү жаран өзү же медициналык корутундулар же сот чечимдери негизинде киргизүүгө болбойт. Мындан тышкары, мыйзам долбоору жыныс алмаштырууга багытталган медициналык процедураларды, операцияларды жана гормондук терапияны, тукум куучулук өнүгүү аномалияларын дарылоодон башка учурларды кошпогондо, тыюу салат.
Ошондой эле ата-энелер балдарын алардын биологиялык жынысына ылайык тарбиялоого милдеттүү болушат.
Сүрөт www
