Ош шаарында эмгек мигранттары үчүн алдын ала даярдык жана реинтеграция борбору ачуу пландалууда. Бул борбор жарандарды легалдуу жумуш табуу мүмкүнчүлүктөрү тууралуу маалымдуулукту жогорулатууга, чыгып кетүүдөн мурун окутуу программаларын өткөрүүгө жана мекенине кайтып келгендерге реинтеграцияны колдоого багытталат. Мындай маалыматтарды Кыргыз Республикасынын Эмгек, социалдык камсыздоо жана миграция министрлигинин өкүлдөрү билдиришти.
Бул борборду түзүү мүмкүнчүлүгү Кыргыз Республикасынын Эмгек, социалдык саясат жана миграция министрлиги менен Кыргызстандагы Эл аралык миграция уюму (ЭМУ) ортосундагы кызматташтык боюнча меморандумдун негизинде ишке ашты. Документти кол коюу иши министрдин орун басары Бакыт Дарманкул уулу менен ЭМУнун өлкөдөгү миссиясынын жетекчиси Серхан Актопрак менен болгон жумушчу жолугушуу учурунда болду.
Жолугушуу учурунда миграция саясатынын маанилүү аспекттери, анын ичинде мигранттардын укуктарын коргоо жана эл аралык кызматташтыкты өнүктүрүү маселелери талкууланды.
Мындан тышкары, жолугушуунун катышуучулары Кыргызстандын делегациясынын БУУнун 80-сессиясынын төрагасы Анналена Бербоктун жетекчилиги астында өтүүчү Эл аралык миграция форумуна катышуусу тууралуу сүйлөштү. Бул форумда коопсуз, уюшкан жана легалдуу миграция боюнча Глобалдык келишимдин аткарылышы тууралуу улуттук отчетту сунуштоо пландалууда.
Жолугушуу аяктагандан кийин, Кыргызстандагы ЭМУнун жетекчиси Бермет Молдобаева министрликтен «Кызматташтык медалы» менен сыйланды.
