Ведомствонун маалыматына ылайык, лицензияларды берүү, уруксаттарды берүү, салмак параметрлерин өлчөө, жүк ташууга арналган атайын уруксаттарды берүү жана административдик айыппулдардан алынган жалпы киреше 1 миллиард 167 миллион 399 миң сомду түздү. Салыштыруу үчүн, 2024-жылы бул көрсөткүч кыйла төмөн болгон — болгону 398 миллион 886 миң сом.
2025-жылы Кыргыз Республикасы 41 өлкөдөн эл аралык жүк ташуу үчүн 222 миң 20 уруксат алды.
Маанилүү жетишкендиктердин бири — Азербайжан, Өзбекстан, Түркия жана Кытай менен уруксаттарды алмашууга мүмкүндүк берген E-permit санариптик платформасын киргизүү болду. Электрондук форматка толук өтүү кыргыз жүк ташуучулары үчүн иш процессин кыйла жеңилдетип, чыгымдарын азайтты.
Ошондой эле ири жана оор жүктөрдү ташууга арналган атайын уруксаттарды электрондук берүү системасы ишке киргизилди. Эми жергиликтүү жана чет элдик жүк ташуучулар мобилдик түзмөктөр аркылуу арыз беришип, 1-3 сааттын ичинде онлайн уруксат ала алышат.
Министрликте транспорт тармагын санариптештирүү коррупциялык тобокелдиктерди азайтууга жана процесстерди тездетүүгө жардам берерин, ошентип бизнес жана эл аралык логистика үчүн ыңгайлуу шарттарды түзөөрүн баса белгилешет.
