Жолугушууда аталган бала бакчанын имаратынын абалы талкууланды, жергиликтүү тургундардын айтымында, ал 1969-жылдан бери капиталдык ремонттон өтпөгөн.
«Мен ата-энелердин кызыкчылыктарын билдирем жана №39 «Күн Нуру» бала бакчасын быйылкы жылдын ремонт планына киргизүүнү суранам. Имараттын чатыры жана фасады өтө начар абалда, экинчи кабаттан суу агып жатат», - деди райондун тургуну.
Ош шаардык билим берүү башкармалыгынын начальниги Тынчтыкбек Досмуратов бул маселени билишерин тастыктады. «Биз бала бакчанын абалы тууралуу маалымбыз. Биз мэрияга аны быйылкы жылдын ремонт планына киргизүү боюнча сунуш жөнөттүк. Акыркы чечимди мэрия кабыл алат. Эгер бала бакча планга киргизилсе, ремонт жүргүзүлөт», - деди ал.
