Мерекеге Ош шаарынын вице-мэри Нурлан Закиров, Өзбекстандагы Кыргызстан элчилигинин дипломаты жана жергиликтүү тургундар катышты.
Иш-чарада мэрдин орун басары Навоинин руханий мурастарынын түрк дүйнөсү үчүн маанилүүлүгүн белгиледи: «Биз бул жерде ушул улуу ойчулдун, акылман акындын жана мамлекеттик ишмердин туулгандыгынын 585 жылдыгын белгилөө үчүн чогулдук. Бул күн узбек элдин гана эмес, бүт түрк дүйнөсү үчүн бай руханий мурас калтырган улуу инсанды урматтоо символу болуп саналат. Анын эмгектери адилеттик, адамгерчилик, билимге умтулуу жана элге кызмат кылуу идеяларын даңазалайт», - деди ал.
