Сүрөттүн келип чыгышы жана Аалы Токомбаевдин айыл менен байланышы тууралуу Turmushтун кабарчысы менен болгон маегинде №5 китепкананын жетекчиси Асель Шейшеналиева айтып берди.
«Сүрөт 1976-жылы тартылган. Айылдык клубдун жетекчиси Жылдыз Сагынбекованын айтымында, Аалы Токомбаев Эпкин айылынан чыккан коомдук ишмер Асанбек Токомбаев менен «кудачылык» [сваттык] мамиледе болгон. Асанбектин карындашы Анара Токомбаева жазуучу Аалы Токомбаевдин келини болгон. Бул сүрөттө Аалы Токомбаев «куда» [сват] катары Эпкинге конокко келип, Калинин атындагы колхоздун чабандары Токомбай Ормокоев, Чалбай Мураталиев жана башкалар менен сүйлөшүп жатканда сүрөткө тартылган. Ал учурда Аалы Токомбаев Кыргыз ССР Жогорку Советинин депутаты болчу», - деди китепканачы.
Аалы Токомбаев 1904-жылы Семиречен облусунун Кайыңды айылында төрөлгөн. Советтик кыргыз жазуучусу жана акыны, кыргыз адабиятынын негиздөөчүлөрүнүн бири. Кыргыз ССРинин эл акыны (1945), Кыргыз ССРинин илимдер академиясынын академиги (1954), Социалисттик Эмгектин Баатыры (1974). 1963–1980-жылдар аралыгында Кыргыз ССРинин Жогорку Советинин депутаты болгон.
1962–1978-жылдар аралыгында кыргыз адабияты боюнча «Кыска адабий энциклопедияны» чыгаруу боюнча редакциялык коллегияга кирген.
Асанбек Токомбаев 1924-жылы Эпкин айылында төрөлгөн. 1949-жылдан бери КПССтин мүчөсү, Улуу Ата Мекендик согуштун катышуучусу. 1945-жылдан тарта чарбалык, коомдук жана саясий иштерде иштеген. 1945–1985-жылдар аралыгында бир катар жетекчилик кызматтарды ээлеп, анын ичинде «Кыргызстан» басмаканасынын директору, «Советтик Кыргызстан» гезитинин башкы редактору, Фрунзе шаардык партия комитетинин 2-катчысы, Кыргыз ССРинин КПнын Борбордук Комитетинин катчысы, Кыргыз ССРинин Жогорку Советинин төрагасы, Кыргыз ССРинин Министрлер Кеңешинин алдындагы телевидение жана радиоберүү комитетинин төрагасы болуп иштеген.
Кыргыз ССРинин Жогорку Советинин 6–11 чакырылыштарынын депутаты болуп шайланган.
