Унааларды өткөрүп берүү аземинде мэр Муниципалдык инспекциянын кызматкерлерине экологияны коргоодогу салымдары үчүн ыраазычылык билдирди.
«Бул кичинекей иш-чара болсо да, анын шаарды эффективдүү иштетүү үчүн мааниси чоң. Мен Муниципалдык инспекциянын иштерин белгилегим келет. Мисалы, 2025-жылы сиздер бардык транспорт каражаттарын көзөмөлдөп, банялар жана башка объекттердин тыюу салынган заттарды колдонуу боюнча ишмердүүлүгүн текшерип жаттыңыздар. Мындан тышкары, акыркы эки жылда салынган айып пулдардын суммасы инспекция түзүлгөнгө чейин катталган көрсөткүчтөрдөн кыйла ашып кетти», — деди мэр.
Ошондой эле Айбек Жунушалиев баняларга, социалдык мекемелерге жана башка жылуулук берүүчү уюмдарга, айрыкча «Дордой» жашоо массивинде жана ага жакын аймактарда көзөмөлдү күчөтүүнү тапшырды.
Иш-чаранын жүрүшүндө Муниципалдык инспекцияга жана райондук администрацияларга 17 кызматтык унаа өткөрүлүп берилди.
Мындан тышкары, акимиаттарга жаңы административдик бирдиктерде жана башка жашоо массивдеринде калк менен иштөө үчүн унаалар тапшырылды, бул административдик-территориялык реформанын алкагында жүргүзүлдү.
Мэр материалдык-техникалык базаны жаңылоо жана кызматтык техникаларды өткөрүп берүү процесси улантыла берерин белгиледи.
