«Жеңиш» паркында «Кара тюльпан» мемориалынын жанында салтанаттуу митинг-реквием өттү.
Иш-чарага Афганистандагы согуштун ардагерлери, жергиликтүү бийлик өкүлдөрү жана райондун тургундары катышты.
Церемония аскердик урматтоо менен башталды, тартипти аскер комиссариаты тарабынан коюлган караул көзөмөлдөп турду. Курман болгондордун эскерүүсүнө арналган ок атылды.
Жыелгандар солдаттардын эскерүүсүнө бир мүнөт үнсүз туруп, эстеликке гүл коюшту.
Панфилов районунун акими Бекмаат Масаидов катышуучуларга кайрылып, ардагерлердин эрдигин белгиледи: «Советтик солдаттардын Афганистандын жеринде көрсөткөн эрдиги биздин эсибизде түбөлүккө калат. Мамлекет Афганистандагы ардагерлерге колдоо көрсөтүүнү улантат», - деди ал.
Панфилов районунан Афганистандын согушуна 58 солдат жөнөтүлгөн, алардын ичинен экөө өз милдетин аткарып жатып, өмүрүн берген.
