Алгач кушту байкаган бердвотчер Азамат болуп, ал дароо «АСБК Орнитология» тобуна кабарлады. Маалымат үчүн, бул жерде бир күн мурун тирүү орландар байкалган. Учурда бул аймакта эки ак кулак орлан уя салууда.
«Куштун өлүмүнүн себеби так эмес. Электр тогу, уулануу же башка себептерден улам болгон-болбогонун аныктоо үчүн тез арада экспертиза же сөөк анализи керек. Расмий корутунду жок болсо, мындай окуялар байкалбай калат», — деп кошумчалады Оморова.
Активисттердин айтымында, окуя болгон жерге егерь келген эмес жана текшерүү актсы түзүлгөн эмес.
Экологдор ак кулак орлан коргоого алынган түр экенин баса белгилешет жана ар бир өлүмдүн милдеттүү териштирүүнү жана каттоону талап кыларын билдиришет. Жакында реабилитациялык борборлордун биринде жаракат алган орланды куткаруу үчүн ийгиликтүү операция өткөрүлгөн.
Гулбара Оморова жооптуу органдарды, табигый ресурстар, экология жана техникалык көзөмөл министрлигин бул кызыл китепке кирген куштун өлүмү боюнча чара көрүүгө жана текшерүү жүргүзүүгө чакырды.
