Талкуунун жүрүшүндө илим жана билим берүү тармагында кызматташуу мүмкүнчүлүктөрүнө, ошондой эле Erasmus+ программасын ишке ашыруунун кийинки кадамдарына басым жасалды.
Догдуркуль Кендирбаева европалык өнөктөштөр тарабынан көрсөтүлгөн колдоонун маанилүүлүгүн белгиледи. Учурда министрлик Европалык Союздан бюджеттик колдоо долбоорун ишке ашырууда, ал «Кыргызстандын билим берүү секторунда реформа жүргүзүү боюнча контракт» деп аталат.
Бул долбоор өлкөнүн билим берүү системасын комплекстүү жаңыланууга, туруктуу каржылоону, окуу процессинин цифрлаштырылышын жана инклюзивдүү билим берүү чөйрөсүн түзүүгө, ошондой эле Twinning долбоорунун алкагында алдыңкы европалык тажрыйбаны киргизүүгө багытталган.
